ქონების გადასახადის მიზნებისთვის ფიზიკური პირისთვის შემოსავლის გამომთვლელი

მიმდინარე წლის ქონებაზე (გარდა მიწისა) ქონების გადასახადის ვალდებულების დასადგენად, შეიტანეთ თქვენი და თქვენი ოჯახის წევრ(ებ)ის მიერ წინა კალენდარული წლის 1 იანვრიდან 31 დეკემბრის ჩათვლით მიღებული შემოსავალი სახეების მიხედვით. შემოსავლის სწორად დათვლის მიზნით, შეავსეთ მხოლოდ ის გრაფა, რომელიც აღწერს თქვენი შემოსავლის სახეს. ამასთან, თუ შემოსავლის სახე ემთხვევა რამდენიმე გრაფის დასახელებას, მონაცემი შეიყვანეთ ერთ-ერთ გრაფაში.

გაითვალისწინეთ

  • საქართველოს მოქალაქე არარეზიდენტ ფიზიკურ პირთან მიმართებით შემოსავლები განისაზღვრება საქართველოში არსებული წყაროდან მიღებული შემოსავლების მიხედვით.
  • ოჯახს წარმოადგენს ფიზიკური პირი, მისი მეუღლე, არასრულწლოვანი შვილი და გერი, ხოლო მშობელი, შვილი და გერი, და, ძმა, ბებია, პაპა, შვილიშვილი ჩაითვლება ოჯახის წევრად, თუ პირთან ცხოვრობენ მუდმივად და ეწევიან საერთო მეურნეობას. ამასთან, იხილეთ სიტუაციური სახელმძღვანელო „ქონების გადასახადის მიზნებისთვის მეუღლეთა შემოსავლის გაანგარიშება N1432“.
  • ერთობლივ შემოსავალში არ შეიტანება:
    • ოჯახის წევრებისაგან მემკვიდრეობით, ჩუქებით ან განქორწინების საფუძველზე მიღებული ქონების ღირებულება;
    • ფიზიკური პირის მიერ (მათ შორის, I რიგის მემკვიდრის მიერ ჯამურად თავისი და მამკვიდრებლის) 2 წელზე მეტი ვადით მის საკუთრებაში არსებული საცხოვრებელი ბინის (სახლის) რეალიზაციით მიღებული შემოსავალი;
    • ფიქსირებული გადასახადის გადამხდელისა და მიკრო ბიზნესის სტატუსის მქონე პირის მიერ აღნიშნული ეკონომიკური საქმიანობიდან მიღებული შემოსავალი;
    • ამ კოდექსის 82-ე მუხლის პირველი ნაწილის „ბ1“ და „ბ2“ ქვეპუნქტების შესაბამისად საშემოსავლო გადასახადით დაბეგვრისაგან გათავისუფლებული შემოსავალი;
    • კოდექსის 82-ე მუხლის პირველი ნაწილის „ნ“ ქვეპუნქტით გათვალისწინებული ქონების თავდაპირველი რეალიზაციით მიღებული შემოსავალი;
    • დაქირავებულის მიერ დამქირავებლის ავტომობილის პირადი სარგებლობისათვის გამოყენებით მიღებული სარგებელი.

კითხვარი მუშაობს სატესტო რეჟიმში. გთხოვთ, თქვენი რეკომენდაციები და წინადადებები დააფიქსიროთ უკუკავშირის მეშვეობით.