სასაქონლო ოპერაციები

რომელ სასაქონლო ოპერაციებში შეიძლება საქონლის გაფორმება?

• იმპორტი
  საქართველოს ტერიტორიაზე უცხოური საქონლის შემოტანისას  გადაიხდევინება იმპორტის გადასახდელები და საქონელს ენიჭება საქართველოს საქონლის სტატუსი.
• ექსპორტი
  საქართველოს საქონელი გაიტანება საქართველოს საბაჟო ტერიტორიის გარეთ.
• რეექსპორტი
  საქართველოს საბაჟო ტერიტორიაზე შემოტანილი უცხოური საქონელი გაიტანება საქართველოს საბაჟო ტერიტორიის გარეთ.
• ტრანზიტი
  უცხოური საქონელი საქართველოს საბაჟო ტერიტორიის გავლით გადაადგილდება  საბაჟო კონტროლის ქვეშ.
• საწყობი
  იმპორტის გადასახდელების გადახდის გარეშე შეინახება უცხოური საქონელი, აგრეთვე - საქართველოს საქონელი, თუ საწყობის სასაქონლო ოპერაციაში მოქცეული საქონლის შენახვის მიზანია მისი საქართველოს საბაჟო ტერიტორიიდან გატანა.
• თავისუფალი ზონა
  უცხოური საქონლის შემოტანა არ ითვლება საქონლის იმპორტში მოქცევად და, არ გადაიხდევინება იმპორტის გადასახდელები, ხოლო საქართველოს საქონლის მოთავსებისას გამოიყენება საქონლის ექსპორტში მოქცევის ანალოგიური დებულებები.
• დროებითი შემოტანა
  ოპერაცია საშუალებას იძლევა, უცხოური საქონელი საქართველოს საბაჟო ტერიტორიაზე დროებით იქნეს შემოტანილი (როგორც წესი, ვადა არ უნდა აღემატებოდეს 3 წელს).
• შიდა გადამუშავება
  ოპერაცია საშუალებას იძლევა, უცხოური საქონლის მიმართ  გამოყენებულ იქნეს საქონლის გადამუშავების ერთი ან ერთზე მეტი ოპერაცია, როგორიცაა:
  
  • საქონლის დამუშავება, მათ შორის, მონტაჟი, აწყობა ან სხვა საქონელზე მორგება;
  • საქონლის წარმოება
  • საქონლის შეკეთება, მათ შორის, აღდგენა და მუშა მდგომარეობაში მოყვანა
  • საქონლის განადგურება
  • საქონლის გამოყენება, რომელიც არ შედის გადასამუშავებელი საქონლის შემადგენლობაში, ხელს უწყობს ან აადვილებს გადამუშავების პროდუქტის წარმოებას, მიუხედავად იმისა, რომ ეს საქონელი მთლიანად ან ნაწილობრივ იხარჯება გადამუშავების პროცესში.
• გარე გადამუშავება
  ოპერაცია საშუალებას იძლევა, საქართველოს საქონლის მიმართ  გამოყენებულ იქნეს საქონლის გადამუშავების ერთი ან ერთზე მეტი ოპერაცია, როგორიცაა:
  
  • საქონლის დამუშავება, მათ შორის, მონტაჟი, აწყობა ან სხვა საქონელზე მორგება
  • საქონლის წარმოება
  • საქონლის შეკეთება, მათ შორის, აღდგენა და მუშა მდგომარეობაში მოყვანა
  • საქონლის განადგურება
  • საქონლის გამოყენება, რომელიც არ შედის გადასამუშავებელი საქონლის შემადგენლობაში, ხელს უწყობს ან აადვილებს გადამუშავების პროდუქტის წარმოებას, მიუხედავად იმისა, რომ ეს საქონელი მთლიანად ან ნაწილობრივ იხარჯება გადამუშავების პროცესში.