Privé არის შემოსავლების სამსახურის პერსონალური მომსახურების პაკეტი, რაც გულისხმობს გადასახადის გადამხდელის მომსახურებას პირადი საგადასახადო მრჩევლის მეშვეობით.
Privé სერვისით სარგებლობა შეუძლია ნებისმიერ გადამხდელს, ვისთვისაც საგადასახადო ორგანოსთან ურთიერთობისას მნიშვნელოვანია მაქსიმალური კომფორტი, პროცედურათა სიმარტივე და დროისა და მატერიალური რესურსების დაზოგვა.
გადამხდელებს ხშირად უჩნდებათ შეკითხვები გარკვეულ საკითხებთან დაკავშირებით. მათთვის საინტერესო საკითხებზე პასუხების მიღება და სხვადასხვა ტიპის პრობლემის გადაჭრა ობიექტიდან გაუსვლელად არის შესაძლებელი.
უბნის საგადასახადო ოფიცრის დახმარებით, რომელიც უახლესი ტექნიკით არის აღჭურვილი, გადამხდელებს ადგილზევე აქვთ შესაძლებლობა რამდენიმე მომსახურების მიღებისა, რაც აქამდე მხოლოდ სერვის ცენტრებში იყო შესაძლებელი.
თქვენთვის საინტერესო ნებისმიერ საკითხთან დაკავშირებით, რომელიც ეხება საგადასახადო კანონმდებლობის გამოყენებასა და განმარტებას, ასევე რეკომენდაციებს საგადასახადო კანონმდებლობაში ცვლილებების განხორციელების თაობაზე, შეგიძლიათ მოგვმართოთ ელექტრონულად, თქვენი პირადი ელექტრონული ფოსტიდან (მისამართზე:
info@rs.ge) წერილის გამოგზავნის გზით ან ისარგებლოთ ბმულით:
www.rs.ge და წერილის ველში ჩაწეროთ თქვენთვის საინტერესო შეკითხვა. სრულყოფილი და ამომწურავი პასუხი თქვენს მიერ მითითებულ ელექტრონული ფოსტაზე მოგეწოდებათ 1 სამუშაო დღის ვადაში.
აღნიშნული ტიპის წერილები შესაძლებელია წარმოდგენილ იქნას მატერიალური ფორმითაც, რომელზეც პასუხს მიიღებთ ფოსტის მეშვეობით.
თუ ხართ გადასახადის გადამხდელი, გაქვთ ვადაგასული ან/და გამოსაყენებლად ან შემდგომი მიწოდებისათვის უვარგისი სასაქონლო-მატერიალური ფასეულობა და გსურთ მისი ჩამოწერა, თქვენ შესაძლებლობა გაქვთ:
- ელექტრონულად, შემოსავლების სამსახურის ვებ გვერდის დახმარებით მარტივად მოახდინოთ აღნიშნული საქონლის ჩამოწერა
- განცხადებით მიმართოთ შემოსავლების სამსახურის ნებისმიერ სერვის ცენტრს
კანონმდებლობა:
„გადასახადების ადმინისტრირების შესახებ“ ფინანსთა მინისტრის
ბრძანება N996 (კარი VII)
TAX FREE გულისხმობს უცხო ქვეყნის მოქალაქეთა მიერ საქართველოში შეძენილ საქონელზე გადახდილი დამატებული ღირებულების გადასახადის თანხის დაბრუნებას.
საქონელი შეძენილი უნდა იყოს მაღაზიაში, რომელსაც აქვს დღგ-ს თანხის დაბრუნების სპეციალური ქვითრის გაცემის უფლება, საქონლის ღირებულება (დღგ-ის გარეშე) ერთი ქვითრის მიხედვით უნდა აღემატებოდეს 200 ლარს და საქონლის მიწოდება უნდა იბეგრებოდეს დღგ-ით.
კანონმდებლობა:
„გადასახადების ადმინისტრირების შესახებ“ ფინანსთა მინისტრის ბრძანება N996 (თავი XIX)
საქონლის საქართველოს ტერიტორიაზე შემოტანისას გამარტივებული პროცედურებითა და იმპორტის გადასახდელების გადახდის განსხვავებული ვადებით სარგებლობის მიზნით შეგიძლიათ მიიღოთ „ოქროს სიის“ მონაწილის სტატუსი
განცხადება შეგიძლიათ შეავსოთ შემოსავლების სამსახურის ვებგვერდზე
www.rs.ge ან მიმართოთ შემოსავლების სამსახურის მომსახურების დეპარტამენტს (მის: თბილისი, ალექსიძის ქუჩა №1), ან ნებისმიერ სერვისცენტრს.
კანონმდებლობა:
საქართველოს ფინანსთა მინისტრის ბრძანება №993 მუხლები 80-89
იმპორტის დღგ-ით დაბეგვრის სპეციალურ წესზე გადასული პირები საქონლის იმპორტისას დღგ-ს არ იხდიან. ამასთანავე, ითვლება, რომ საქონლის იმპორტის საანგარიშო პერიოდის მიხედვით პირმა დასაბეგრი იმპორტის მიხედვით განსაზღვრულ საქონელზე მიიღო ჩათვლა.
დღგ-ით დაბეგვრის სპეციალურ წესზე გადასვლა შეუძლია პირს, რომლის წინა უწყვეტი 12 კალენდარული თვის განმავლობაში დასაბეგრი ოპერაციების მიხედვით დეკლარირებული და ბიუჯეტში გადახდილი დღგ-ის თანხა (გარდა იმპორტის და დროებითი შემოტანის დროს გადახდილი დღგ-ისა) გადააჭარბებს 200 000 ლარს.
აღნიშნულ წესზე გადასვლა შეგიძლიათ იმ შემთხვევაშიც, თუ წარმოადგენთ წერილობით ვალდებულებას, რომ იმპორტის დღგ-ით დაბეგვრის სპეციალურ წესზე გადასვლიდან მომდევნო უწყვეტი 12 კალენდარული თვის განმავლობაში განახორციელებთ საწარმოს ძირითად საშუალებად გამოსაყენებელი ან/და საწარმოს ძირითადი საშუალებისათვის განკუთვნილი, არანაკლებ 5,0 მლნ. ლარის საბაჟო ღირებულების საქონლის იმპორტს.
თუ პირი აკმაყოფილებს იმპორტის დღგ-ით დაბეგვრის სპეციალურ წესზე გადასვლის პირობებს და განცხადებით არ მიმართავს საგადასახადო ორგანოს აღნიშნულ წესზე გადასვლის სურვილის არარსებობის თაობაზე, მაშინ იგი იმპორტის დღგ-ით დაბეგვრის სპეციალურ წესზე გადასულად ითვლება შესაბამისი საანგარიშო პერიოდის მომდევნო თვის პირველი რიცხვიდან და ავტომატურად მიენიჭება ამ წესით მოსარგებლის სტატუსი.
კანონმდებლობა:
საქართველოს საგადასახადო კოდექსი მუხლი 162,
საქართველოს ფინანსთა მინისტრის ბრძანება №996, მუხლი 63
თუ გსურთ, მიიღოთ საქონლის კოდის ან საქონლის წარმოშობის ქვეყნის განსაზღვრაზე წინასწარი გადაწყვეტილება, რომელსაც ექნება ყველა საგადასახადო ორგანოსათვის სავალდებულო იურიდიული ძალა, განცხადებით უნდა მიმართოთ შემოსავლების სამსახურს.
გახსოვდეთ!
ერთი განცხადებით საქონლის კოდის ან საქონლის წარმოშობის ქვეყნის განსაზღვრის მოთხოვნის წარდგენა შეგიძლიათ მხოლოდ ერთი დასახელების საქონელზე.
თუ დაინტერესებული პირის მიერ წარდგენილი დოკუმენტები ან/და ინფორმაცია არ არის საკმარისი წინასწარი გადაწყვეტილების მისაღებად, შემოსავლების სამსახური განცხადების რეგისტრაციიდან 15 დღის განმავლობაში ატყობინებს პირს ხარვეზების ან/და დამატებითი დოკუმენტის ან სხვა ინფორმაციის წარდგენის საჭიროების შესახებ. ხარვეზის აღმოფხვრის ან/და დამატებითი დოკუმენტის ან სხვა ინფორმაციის წარდგენის ვადა არ უნდა აღემატებოდეს 30 დღეს.
შემოსავლების სამსახური უფლებამოსილია, საჭიროების შემთხვევაში, მოითხოვოს საქართველოში შესაბამისი აკრედიტაციის მქონე ლაბორატორიის მიერ გაცემული დასკვნის წარდგენა, რასთან დაკავშირებულ ხარჯებსაც ანაზღაურებს დაინტერესებული პირი.
წინასწარი გადაწყვეტილების მიღება:
- 30 სამუშაო დღეში - უფასოა
- 10 სამუშაო დღეში - მომსახურების საფასური შეადგენს 250 ლარს
- 5 სამუშაო დღეში - მომსახურების საფასური შეადგენს 500 ლარს
განცხადება შეგიძლიათ შეავსოთ შემოსავლების სამსახურის ვებგვერდზე.
სასაქონლო კოდის განსაზღვრის თაობაზე წინასწარი გადაწყვეტილების შესახებ.
საქონლის წარმოშობის ქვეყნის განსაზღვრის თაობაზე წინასწარი გადაწყვეტილების შესახებ.
ან მიმართოთ შემოსავლების სამსახურის საბაჟო დეპარტამენტს (მის: თბილისი, გორგასლის ქუჩა №6), ან ნებისმიერ სერვისცენტრს.
კანონმდებლობა:
საქართველო სსაგადასახადო კოდექსი,
საქართველოს ფინანსთა მინისტრის
ბრძანება №996მუხლი 20,
მთავრობის დადგენილება №96
„საჯარო სამართლის იურიდიული პირის - შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის
N96 დადგენილებით განსაზღვრულია მომსახურების სახეები, რომლის მიღებისათვის გადასახადის გადამხდელის მიერ გადახდილ უნდა იქნას შესაბამისი საფასური. აქვე გათვალისწინებულია აღნიშნული მომსახურების დაჩქარების შესაძლებლობა და შესაბამისი საფასურები.