ოქროს სია

ვინ არის ,,ოქროს სიის’’ მონაწილე?

ვის შეიძლება მიენიჭოს ,,ოქროს სიის’’ მონაწილის სტატუსი?

• მის მიერ ერთი წლის განმავლობაში იმპორტში ან/და ექსპორტში დეკლარირებული საქონლის სატარიფო ღირებულებაა არანაკლებ 5,0 მლნ ლარი.
• გადახდილი იმპორტის გადასახდელების ოდენობა – არანაკლებ 900 000 ლარია, ან საქონლის იმპორტის ან/და ექსპორტის მიზნით წარდგენილი აქვს არანაკლებ 100 სასაქონლო დეკლარაცია.
• ბოლო 6 თვის განმავლობაში არა აქვს დაკისრებული პასუხისმგებლობა საქართველოს საგადასახადო კოდექსის 289-ე მუხლის მე-11 ნაწილით (როდესაც საქართველოს ეკონომიკურ საზღვარზე სახელმწიფო კონტროლის გვერდის ავლით ან მისგან მალულად გადატანილი ან გადმოტანილი საქონლის სატარიფო ღირებულება აღემატება 10 000 ლარს) და 289-ე მუხლის მე-19 ნაწილით გათვალისწინებული საგადასახადო სამართალდარღვევებისათვის.
• რეგისტრირებულია დღგ-ის გადამხდელად.

რა გამარტივებული პროცედურებით სარგებლობს ,,ოქროს სიის’’ მონაწილე?

• „ოქროს სიის“ მონაწილის კუთვნილი საქონელი შესაძლებელია გაშვებული იქნეს საზღვრიდან ან აღრიცხვის მოწმობით გადაადგილდეს მის საწყობში.
• იმპორტირებულ საქონელზე იმპორტის გადასახდელების გადახდა შესაძლებელია საქონლის გაშვებიდან 30 კალენდარულ დღეში.
• დეკლარაციაზე დასართავი დოკუმენტები დეკლარაციასთან ერთად წარედგინება ელექტრონულად, ხოლო დოკუმენტები მატერიალური სახით ინახება დეკლარანტთან.