გადასახდის გადამხდელის ქონების საგადასახადო გირავნობით/იპოთეკით დატვირთვა საგადასახდო ვალდებულების შესრულების უზრუნველყოფის ერთ-ერთი საშუალებაა. თუ თქვენ გერიცხებათ საგადასახადო დავალიანება, საგადასახადო ორგანოს უფლება აქვს გირავნობით/იპოთეკით დატვირთოს თქვენს საკუთრებაში ან ბალანსზე რიცხული ქონება. თუ თქვენს მიერ დროულად არ მოხდა დავალიანების დაფარვა აღსრულების ეროვნული ბიურო მოახდენს გირავნობით/იპოთეკით დატვირთული ქონების რეალიზაციას. თუ თქვენ დაფარეთ დავალიანება შეგიძლიათ განცხადებით მიმართოთ საგადასახადო ორგანოს აღნიშნული უფლების გაუქმების მოთხოვნით . განცხადებას უნდა დაურთოთ დავალიანების დაფარვის დამადასტურებელი დოკუმენტი (საგადახდო დავალება), რომლის შესაბამისადაც დავალიანება დაფარულია. აღნიშნული მომსახურება უფასოა გახსოვდეთ:  შემოსავლების სამსახურის ოფიციალურ ვებ-გვერდზე ( www.rs.ge ) ელექტრონულად წარმოდგენილ განცხადებას და ასევე, შემოსავლების სამსახურის მიერ ელექტრონულად გაცემულ ნებისმიერ დოკუმენტს გააჩნია ისეთივე იურიდიული ძალა,როგორც წერილობით დოკუმენტს, მიუხედავად იმისა, რომ მას არ ახლავს უფლებამოსილი პირის ხელმოწერა და ბეჭედი.

იხილეთ განცხადების ფორმა

თუ გერიცხებათ დავალიანება, საგადასახადო ორგანოს უფლება აქვს გირავნობით/იპოთეკით დატვირთოს თქვენს საკუთრებაში ან ბალანსზე რიცხული ქონება. კონკრეტულ ქონებაზე შეიძლება გაუქმდეს საგად. გირავნობის/იპოთეკის უფლება შემდეგ შემთხვევებში: აღმასრულებლის მიერ საგად. გირავნობით/იპოთეკით დატვირთული ქონების დავალიანების დაფარვის მიზნით რეალიზაციის შემთხვევაში; თუ გადამხდელმა საგადასახადო ორგანოს წერილობითი თანხმობით განახორციელა ქონების ან მისი ნაწილის რეალიზაცია და ამონაგები თანხა სრულად მიმართა დავალიანების დასაფარავად; თუ გაქვთ კანონიერ ძალაში შესული გადაწყვეტილება საგად. გირავნობის/იპოთეკის გაუქმების თაობაზე და სხვა. დამატებითი ინფორმაციის ველში მიუთითეთ გირავნობის/იპოთეკის გაუქმების მოთხოვნის ზემოთჩამოთვლილი საფუძვლებიდან ერთ-ერთი. განცხადებას უნდა დაურთოთ აღმასრულებლის შესაბამისი განკარგულება ან საგადასახადო ორგანოს თანხმობა ქონების რეალიზაციის შესახებ, ასევე ამონაგები თანხის დავალიანების დასაფარავად მიმართვის დამდასტურებელი დოკუმენტი (საგადახდო დავალება), კანონიერ ძალაში შესული გადაწყვეტილება საგად. გირავნობის/იპოთეკის გაუქმების თაობაზე და სხვა. გახსოვდეთ: შემოსავლების სამსახურის ოფიციალურ ვებ-გვერდზე (www.rs.ge) ელექტრონულად წარმოდგენილ განცხადებას და ასევე, შემოსავლების სამსახურის მიერ ელექტრონულად გაცემულ ნებისმიერ დოკუმენტს გააჩნია ისეთივე იურიდიული ძალა, როგორც წერილობით დოკუმენტს, მიუხედავად იმისა, რომ მას არ ახლავს უფლებამოსილი პირის ხელმოწერა და ბეჭედი.

იხილეთ განცხადების ფორმა